ഇ.കെ.നായനാർ സ്മാരക ഗവ. സ്ത്രീകളുടെയും കുട്ടികളുടെയും ആശുപത്രി

23/02/2009 ന് ബഹുമാനപ്പെട്ട ആരോഗ്യവകുപ്പ് മന്ത്രി ശ്രീമതി. പി.കെ.ശ്രീമതി ടീച്ചർ ഉദ്ഘാടനം നിർവ്വഹിച്ചു. ഈ ആശുപ്രതി തുടക്കത്തിൽ ഒ.പി സൗകര്യം മാത്രമുള്ള ഒരു സ്ഥാപനമായിരുന്നു. 2010 ൽ 2 ബ്ലോക്കുകളിൽ 4 നിലകളിലായി 1,20,000 ത്തിലധികം ചതുരശ്ര അടിയിൽ, 100 കിടക്കകളോടുകൂടിയ കിടത്തി ചികിത്സാ സൗകര്യവും, ഒ.പി ലാബ്, പി.പി യൂണിറ്റ്, ഓപ്പറേഷൻ തിയറ്റർ മുതലായവയുടേയും പ്രവർത്തനവും ആരംഭിച്ചു.

ഈ സ്ഥാപനത്തിന് ജില്ലാ കളക്ടർ ചെയർമാനായും ആശുപത്രി സൂപ്രണ്ട് കൺവീനറായും, 31 മറ്റ് അംഗങ്ങളും അടങ്ങുന്ന ആശുപത്രി വികസന സമിതിയുണ്ട്. സ്ഥാപനത്തിനെ സംബന്ധിക്കുന്ന പ്രധാനപ്പെട്ട തീരുമാനങ്ങൾ ഫണ്ട് വിനിയോഗം തുടങ്ങിയവ ഈ കമ്മിറ്റി ചേർന്നാണ് തിരുമാനിക്കുന്നത്. കമ്മിറ്റി മൂന്നുമാസത്തിലൊരിക്കൽ ചേരുന്നു.

2020 അവസാനിക്കുന്നതോടു കൂടി 'ലക്ഷ്യ' (ലേബർ റൂം നവീകരണം), പ്രവൃത്തി, ഡിസ്ട്രിക്ട് ഏർളി ഇന്റർവെൻഷൻ യൂണിറ്റ്, ഇൻഫേർട്ടിലിറ്റി ട്രിറ്റ്മെന്റ് യൂണിറ്റ് നിർമ്മാണം, 30 മുറികളുള്ള KHRWS-Payward ബ്ലോക്ക് നിർമ്മാണം, മുതലായ പ്രവർത്തികൾ പൂർത്തീകരിക്കും. കൂടാതെ ഈ സ്ഥാപനം ഇപ്പോൾ NQAS അക്രഡിറ്റേഷൻ, 'ലക്ഷ്യ' അക്രഡിറ്റേഷൻ തുടങ്ങിയവ കരസ്ഥമാക്കുന്നതിനുള്ള തയ്യാറെടുപ്പിലുമാണ്. കായകൽപ്പം അവാർഡ് നിർണ്ണയത്തിൽ 2018 ൽ അഞ്ചാം സ്ഥാനവും 2019 ൽ നാലാം സ്ഥാനവും കരസ്ഥമാക്കിയുണ്ട്.

ആദ്യ കാലഘട്ടത്തിൽ, ഒ.പി വിഭാഗത്തിൽ ചികിത്സതേടിയിരുന്ന, രോഗികളുടെ പ്രതിമാസ ശരാശരി കണക്ക് 2500 ഉം, ഐ.പി വിഭാഗത്തിൽ ചികിത്സ തേടിയിരുന്ന രോഗികളുടെ, ശരാശരി കണക്ക് അറുന്നൂറുമായിരുന്നു. ഇപ്പോൾ പ്രതിമാസം 7000 രോഗികൾ ഒ.പി വിഭാഗത്തിലും, 700 രോഗികൾ ഐ.പി വിഭാഗത്തിലും ചികിത്സിക്കപ്പെടുന്നു.

2016-17 സാമ്പത്തിക വർഷത്തിൽ സാമൂഹ്യനിതി വകുപ്പിന്റെ കീഴിൽ 2 കോടി 37 ലക്ഷം രൂപ വകയിരുത്തി നിർമ്മാണം ആരംഭിച്ച District Early Intervention Centre (DEIC) ന്റെ പ്രവൃത്തി 95% പൂർത്തിയായിട്ടുണ്ട്.

2018 ൽ ഏപ്രിൽ 7 ന് ബഹു.ആരോഗ്യ-സാമൂഹ്യനീതി വകുപ്പ് മന്ത്രി ശ്രീമതി. കെ.കെ.ശൈലജ ടീച്ചർ 4 നിലകളോടുകൂടിയ കാഷ്വാലിറ്റി ബ്ലോക്കിന്റെ ഉദ്ഘാടനം നിർവ്വഹിച്ചു. ഈ ബ്ലോക്കിൽ അത്യാധുനിക സൗകര്യങ്ങളുള്ള ലബോറട്ടറി, ബ്ലഡ് സ്റ്റോറേജ് യൂണിറ്റ്, ലേബർ റൂം, ലേബർ വാർഡ്, പോസ്റ്റ് ഒപി, സ്പെഷ്യൽ ന്യൂ ബോൺ കെയർ യൂണിറ്റ് എന്നിവ പ്രവർത്തിച്ചു വരുന്നുണ്ട്.

2018 ഏപ്രിൽ മാസം, സർക്കാറിന്റെ പ്ലാൻ ഫണ്ടിൽ ഉൾപ്പെടുത്തി 3 കോടി 29 ലക്ഷം രൂപ വകയിരുത്തി കാന്റീൻ, ക്വാട്ടേഴ്സ്, കോൺഫറൻസ് ഹാൾ എന്നിവയുടെ നിർമ്മാണം പൂർത്തിയാക്കുകയും ഡിസംബറിൽ ഉദ്ഘാടനം ചെയ്യുകയും ചെയ്തു.

2018-19 സാമ്പത്തിക വർഷത്തിൽ 1 കോടി 28 ലക്ഷം വകയിരുത്തി എൻ.എച്ച് എം-RO യിൽ ഉൾപ്പെടുത്തി ലക്ഷ്യ, ലേബർ റൂം, സെൻട്രൽ ഗ്യാസ് പ്ലാന്റ് എന്നിവയുടെ പ്രവ്യത്തി പുരോഗമിച്ചുകൊണ്ടിരിക്കുന്നു.

3 കോടി 75 ലക്ഷം രൂപ വകയിരുത്തി 30 മുറികളോടു കൂടിയ KHRWS Pay ward നിർമ്മാണ പ്രവൃത്തി പുരോഗമിച്ചുകൊണ്ടിരിക്കുന്നു.

2019-20 സാമ്പത്തിക വർഷത്തിലെ വാർഷിക പദ്ധതിയിൽ ഉൾപ്പെടുത്തി ആന്തൂർ മുനിസിപാലിറ്റി "തുമ്പൂർ മുഴി' മോഡൽ (ജൈവ മാലിന്യ സംസ്കരണ യൂണിറ്റ്), ടോയ്‌ലറ്റ് കോംപ്ലക്സ് എന്നിവയുടെ നിർമ്മാണം നടത്തിവരുന്നു.

എൻ എച്ച് എം-ROP യിൽ ഉൾപ്പെടുത്തി പവർ ലോൺട്രി, അത്യാധുനിക സൗകര്യമുളള എക്സ്റേ യൂണിറ്റ് എന്നിവ ഈ സ്ഥാപനത്തിന് പാസ്സായിട്ടുണ്ട്.

ലഭ്യമായ സേവനങ്ങൾ